傻佬：
　　
　　 记吾记我以前就系甘样叫你架??你成日话我傻,成日傻猪、傻妹甘叫我，仲好吾知丑甘要人地叫你相公大人，我吾肯，净系叫你傻佬！
　　
　　 擒晚我打过你既电话，虽然，明知你吾会响香港，明知你一定系过左深圳你依家既女朋友度，但系我仲系打左过去，仲打左5次，听到电话入面一次又一次甘讲：你所打既电话暂时无法接通，请你迟D再打过来啦......
　　
　　 放返低电话既时候,我先至发觉原来自己已经喊紧!系因为乜?系因为听吾到你既声音?我知吾会,我系伤心!伤心系因为你响第二个女人度,将原本属于我既甜言蜜语讲左比第二个女人听,将原本属于我既温柔体贴奉献左比第二个女人!将原本属于我既一切都比晒区!就连你话过只系属于我净系会比我既私家枕头---你既臂弯都比埋区.........我吾开心,我难受,我妒忌!但系我又可以点?吾通可以同你讲咩?吾可以,我惟有哑忍,惟有将呢D野全部放响心入边,等时间去一一冲淡!
　　
　　 虽然明知你既电话吾会通,但仲系会选择呢个时候打比你,我知你又会话我傻!的确,又真系几傻吓!但系,我吾可以响其它时间拨打你既电话,因为,我吾想比你知道我仲系甘爱你仲系甘挂住你!亦都吾想打扰你依家既生活!呢一切,都只系因为我爱你,亦都因为我显得好微薄既自尊!
　　
　　 傻佬,我有时真系好憎你,因为你辜负左我,背叛左我地既誓言!你话过会永远爱我,吾会要我吾开心要我难过,你话过要比幸福我架!但依家呢?我记得当日我地分手既时候,我问你仲记吾记得呢D说话,你话你吾记得自己有甘讲过.......点解会甘?我宁愿你话比我听,你记得,但已经吾会为我做到啦,我宁愿你话比我听,你系因为吾再爱我而同我分开,都吾愿意听到你甘讲,因为你甘讲令我觉得自己爱左你甘多年付出左甘多野系一D都吾值得既!你令我觉得自己好蠢,蠢到连猪都不如!白白将时间、感情、眼泪都浪费晒！
　　
　　 擒晚听吾到你把声,真系好难过,明明系意料之中既事,但我仲系因为甘样而失落左成晚,都吾知几点先至训着左!
　　
　　 ...........算了,仲念呢D野做乜?都已经过左甘耐咯!甘系傻!你依家可能开心到已经吾记得有过我呢个傻妹啦，又或者，因为第二个傻妹已经忘记左我呢个傻妹啦！
　　
　　 其实,都无野架啦!只不过系偶尔太挂住你,又或者 甘讲啦,系因为自己仲系爱住你,所以,有时情绪会控制左理智,而做出D傻事!好似擒晚甘咯!